फ्रेश शालेय परिपाठ
संकलक : नासा येवतीकर 9423625769
=========ஜ۩۞۩ஜ=========
दिनांक 13/07/2018
वार - शुक्रवार
=========ஜ۩۞۩ஜ=========
फ्रेश दिनविशेष
ठळक घडामोडी -
१६६०: पावनखिंडीतील लढाई.
१८३७: राणी व्हिक्टोरिया बकिंगहॅम पॅलेस मध्ये राहायला गेली. तेव्हापासून ते इंग्लंडच्या राजाचे/राणीचे अधिकृत निवासस्थान बनले.
१८६३: सक्तीच्या सैन्यभरती विरोधात न्यूयॉर्क शहरात दंगा झाला.
१९०८: ऑलिम्पिक स्पर्धांमध्ये स्त्रियांना भाग घेण्यास परवानगी.
१९२९: जतिंद्रनाथ दास यांनी लाहोर तुरुंगात आपले आमरण उपोषण सुरू केले. या उपोषणातच त्यांचा मृत्यू झाला.
१९५५: २८ वर्षीय रुथ एलिसला प्रियकराचा खून केल्याबद्दल फाशी दिली. ग्रेट ब्रिटनमधली स्त्रीकैद्याची अखेरची फाशी ठरली.
२०११: मुंबई शहरात बॉम्बस्फोटांत २६ जण ठार, तर १३० जण जखमी
जन्म :
१८९२: जयपूर-अत्रौली घराण्याच्या शास्त्रीय गायिका केसरबाई केरकर
१९४२: अमेरिकन अभिनेता हॅरिसन फोर्ड
१९४४: रुबिक क्यूब चे निर्माते एरो रुबिक
१९५३: वेस्ट इंडीजचा क्रिकेट खेळाडू लॅरी गोम्स
१९६४: भारतीय क्रिकेट खेळाडू उत्पल चॅटर्जी
मृत्यू :
१६६०: पावनखिंड लढवून बाजीप्रभू देशपांडे यांनी स्वराज्यासाठी दिले आपल्या प्राणाचे बलिदान
१७९३: फ्रेंच क्रांतिकारी ज्याँपॉल मरात
१९६९: तत्त्वज्ञ, विचारवंत, योगी, स्वातंत्र्य सैनिक आणि लेखक महर्षी न्यायरत्न धुंडिराजशास्त्री विनोद
१९८०: बोत्स्वानाचे पहिले राष्ट्राध्यक्ष सेरेत्से खामा
१९९०: क्रीडा समीक्षक व समालोचक अर्देशिर फुर्दोरजी सोहराबजी ऊर्फ बॉबी तल्यारखान
१९९४: धृपद गायक, संगीतकार शिक्षक पं.के. जी. गिंडे
२०००: साहित्य अकादमी पुरस्कार विजेत्या कवयित्री व लेखिका इंदिरा संत
२००९: हिंदी मराठी चित्रपट अभिनेते निळू फुले
२०१०: सुप्रसिद्ध सॅक्सोफोन वादक मनोहारी सिंग
संकलक :- संतोष रहांगडाले, गोंदिया
9404277298
=========ஜ۩۞۩ஜ=========
फ्रेश माहिती
*बाजीप्रभू देशपांडे*
बाजीप्रभू देशपांडे हे एक मराठा साम्राज्याचे शूर योद्धे होते. घोडखिंडीतील लढाईत यांनी अतुलनीय पराक्रम गाजवला व शिवाजीराजे विशाळगडापर्यंत पोचेपर्यंत शत्रुसैन्याला खिंडीत रोखून ठेवले.
बाजीप्रभू देशपांडे पुणे जिल्ह्यातील भोर तालुक्यातील हिरडस मावळातले पिढीजात देशपांडे होते. बाजीप्रभू हे हिरडस मावळचे वतनदार असणाऱ्या बांदलांचे दिवाण होते. परंतु बाजींचे प्रशासकीय कौशल्य आणि शौर्य पाहून छत्रपती शिवाजी महाराजांनी हे अष्टपैलू व्यक्तिमत्त्व आपलेसे करून घेतले. बाजींनीही स्वराज्यासाठी आपली निष्ठा शिवाजीराजांना समर्पिली. बाजीप्रभू देशपांडे हे पराक्रमी लढवय्ये तर होतेच, तसेच ते त्यागी, स्वामिनिष्ठ, करारी, कोणत्याही आमिषाला बळी न पडणारे असे होते.
संकलन :- राजेंद्र महाजन, औरंगाबाद
09403407550
=========ஜ۩۞۩ஜ=========
" फ्रेश सुविचार "
केवळ योगायोग असे काहीही नाही. जीवनातील प्रत्येक घटनेला अर्थ असतो.
संकलन :- सौ. भारती कुंभार, रायगड
9850296824
=========ஜ۩۞۩ஜ=========
फ्रेश प्रश्नमंजुषा
*१) भारतीय लष्करातील सर्वात जुनी रेजिमेंट कोणती ?*
मद्रास रेजिमेंट
*२) ख्रिस्तीयानो रोनाल्डो कोणत्या देशाचा खेळाडू आहे ?*
पोर्तुगाल
*३) देशातील पहिलं पोलीस म्युझियम कुठे उभारलं जाणार आहे ?*
नवी दिल्ली
संकलन : नासा येवतीकर, धर्माबाद
9423625769
=========ஜ۩۞۩ஜ=========
फ्रेश वाढदिवस
* सुनील जवंजाळ
* रवी येलमोड
* शेख अहमद
* श्रीनिवास मोरे
* गणेश पांडे
सर्वाना वाढदिवसाच्या हार्दीक शुभेच्छा
=========ஜ۩۞۩ஜ=========
फ्रेश विचारवेध......
मनुष्य जीवन जगण्यासाठी काही ना काहीतरी धडपड करत असतो. त्या धडपड करण्यातून त्याला आपल्या जीवनासाठी काहीतरी साध्य करायचे असते. धडपड करणे हा मानवी स्वभाव आहे.
जीवनात चांगले साध्य करण्यासाठी अंत:करणातून आपले चांगले हित साध्य करत करत दुस-याला दु:ख होणार नाही याचे देखील भान असू द्यावे. तरच आपल्या धडपड करण्याचा फायदा होईल. अन्यथा आपली केलेली धडपड वाया जाण्याची दाट शक्यता असते.
व्यंकटेश काटकर,नांदेड.
संवाद..९४२१८३९५९०/
८०८७९१७०६३.
=========ஜ۩۞۩ஜ=========
फ्रेश मराठी - इंग्रजी शब्द
=========ஜ۩۞۩ஜ=========
*श्रद्धा - Reverence*
संकलन - कुणाल पवारे, कुंडलवाडी
9960358300
=========ஜ۩۞۩ஜ=========
फ्रेश बोधकथा
*एक छोटीशी संधी*
एकदा एका मंदिराच्या पुजाऱ्याच्या गावात पूर येतो. लोक गाव सोडून जायला सुरुवात करतात. जेव्हा ते त्याला आपल्याबरोबर यायला सांगतात तेव्हा तो नाकारतो. तो त्यांना सांगतो, कि त्याचा त्याच्या देवावर विश्वास आहे आणि देव त्याचं नक्की रक्षण करेल. पाणी वाढतं आणि अख्खा गाव त्यात वाहून जातो. एक पट्टीचा पोहोणारा माणूस पुजार्याच्या घरा जवळून पोहत जात असतो. तो पुजार्याला पाठीवरून वाहून न्यायची तयारी दाखवतो; पण पुजारी ते नाकारतो. थोड्या वेळाने एक होडी येते; पण तो त्यातही बसत नाही. शेवटी एक हेलिकाॕप्टर येत आणि त्याच्याकडे शिडी टाकत पण तो तेही नाकारतो. शेवटी पुराचं पाणी वाढतं आणि त्याचं घर बुडतं व तो मरतो.
तो पुण्यवान गृहस्थ असल्यामुले सरळ स्वर्गात जातो. देव भेटल्या भेटल्या तो त्याच्याकडे तक्रार करतो, कि त्याचा एवढा भक्त असूनही त्याने त्याला वाचवलं नाही. तेव्हा देव हसून म्हणाला, " मी तुझ्याकडे एक माणूस, एक होडी आणि एक हेलीकाॕप्टर पाठवलं होतं. तू दिलेल्या संधीचा फायदा घेतला नाहीस." पुजार्याने आपल्या हट्टीपणामुळे सर्व संधी गमावल्या होत्या.
मित्रांनो 👉तुमच्या आयुष्यात अशा असंख्य संधी येऊन जात असतात पण त्या क्षणाला तुम्हाला त्याची कल्पनाच नसते. एक छोटीशी संधी तुमच्या आयुष्याला एक चांगली कलाटणी देऊ शकते. म्हणून योग्य संधी कधीच हातची जाऊ देऊ नका.
संकलक :- प्रमिलाताई सेनकुडे, हदगाव
9403046894
=========ஜ۩۞۩ஜ=========
No comments:
Post a Comment